Idag 19. September 2008 ble min norske bestemor begravet i Nittedal .
Det er så trist og vondt når noen i familien dør og du kan ikke få kontakt med ham eller henne lenger!
Da jeg kom til Norge i mai 2003 og bestemte meg for å flytte til Oslo sommeren 2004, traff jeg den svært hyggelige, varme og inkluderende familie som tok meg inn som et familiemedlem. .
Jeg vet at det er ikke meningen at jeg skal skrive på norsk i denne BLOGGen hvor det ikke er mange som kan språk, men dette er privat for meg .. og minner meg om en person som var viktig for meg i mitt liv
Solveig! Jeg kommer aldri til å glemme deg, min norske bestemor
En siste hilsen
Hvil i fred
Ditt libysk barnebarn Anas
الوسوم: الوداع الاخير, لمسة وفاء
ترجمة!
سولفاي , نامي بسلام!
اليوم 19 سبتمبر 2008 أنتقلت الي مثواها الاخير جدتي النرويجيه سولفاي في قرية نيتادال.
كم كئيب و محزن ان تفتقد شخص من عائلتك وتعلم أنك لن تستطيع التواصل معه مره أخري.
عندما قررت أن أنتقل للنرويج في مايو 2003 وعندما أنتقلت لأوسلو صيف 2004 التقيت هذه العائلة التي أحتضنتني بحبها و حنانها و رحابت صدرها وأعتبرتني أحد أفراد عائلتها الكريمة.
أعلم أنه ليس القصد أن أكتب بالنرويجيه في تدوينتي الخاصة وفي مكان لايوجد به الكثير ممن يتكلمونها، ولاكن القصد أن تبقي هذه للذكرى و تخليد لأنسانة كانت لها مكانتها في حياتي .
سولفاي ، أبدا لن أنساك ياجدتي النرويجية .
الوداع الاخير
نامي بسلام
حفيدك الليبي أنس…
احر التعازى ليك يا انس وان شاء الله تكون اخر الاحزان
Solveig! Jeg kommer aldri til å glemme deg, min norske bestemor
حلو هذا الوفاء منك يا انس
طلعت ليبي حساس مرهف مش تسهويك راهو كلام بجديات
خليك وفي لكل شخص ترك بصمة طيبة في حياتك هكذا هم الليبيون الاوفياء
تقبل تعزيتي والبقاء لله
أختي العزيزية may
أختي الفاضلة nasimlibya
كم أسعدني ردكم و تعزيتكم لي .. لدرجة أن عيني أدمعتا .. ليس لأني حساس ولاكن لصدق مشاعركما و رهافتها قد وصلتني من ردكما وتعزيتكما لي.
المعنى المرجوا من وضعي لهذه التدوينه وصل لكما كما كنت أتمناه تماما وهو الوفاء لأشخاص تركو بصمة في حياتنا حتى ولو كانو يدينون بديانات آخرى .
ديننا الحنيف يوصينا بأحترامهم و معاملتهم بأفضل ماتكون المعاملة و العرفان بالجميل حتى نعطي أنطباع أفضل عن ديننا الاسلامي ومقدار أنفتاحه و روعت ديننا المحتوى لكل الديانات السماوية …
شكرا مره أخرى و أتمنى أن تكون هذه أخر الاحزان
اللهم أغفر لكل أمة محمد الاحياء منهم و الاموات … آمين!
مع أحترامي لحزنك
*@#F
أنت عارف رائي في مثل هذه المواضيع .
وصحيت على على حضور المراسم في الكنيسة , زعمة قلت آمين في الأخير بعد كلام الواعض ؟
شني كل من قال بسم الله تحسابه مسلم يا نزار؟
فيه فرق بين العادة وبين المعتقدات، فاهمني؟
وعادي وكانا أنوس قال آمين في كنيسة؟ زي ما يقول آمين فسط جامع، هذا كانا يخش الجوامع صاحبنا أساساً!
خاشة بعضها راهي، والليبيين خلاص كانو شعب محافظ، توا نشوف في الهبال والعار.
كل من كتب سمى روحه مدون! ياوالله حالة!
الموضوع هذا يانزار مهدرزين فيه و نعرفو بعضنا كويس في الموضوع هذا .. يعني واصلين فيه لرأي متقارب نوعا ما …
مارديتش عليك يانزار لانه نعرفو بعضنا هذا علاش مادورتش … فأعذرني طبعا!
نجو توى للسي البي حاتم المزوغي الي طايح فيها أتهامات يمين ويسار تقول عايشين مع بعض ….
أولا دخول الكنسية أو بيوت العبادة ماهوش حرام ، طبعا مش للتعبد ولاكن للمجاملة و أداء واجب الاحترام الي دينا يحثنا عليه ، ولا زعمك ماقريتهاش هذي في كتابات الدين ؟
فيه نقطه أساسية في الموضوع خلي نبدو بيها قبل كل شيء يا سيد حاتم , أول شيء أني ماسميش أنوس ! لما تكون تعرفني كويس و واخدين علي بعض تقدر تقولي أنوس و ننوس و بسبوس حتى لاكن بماأنه أني مانعرفكش فماعليش أكتفي بأسمي و بس ,,,, نقطة أنتهى.
نرجعو توى لموضوعنا الاساسي ياسيد حاتم ، تي شنو دخل العادات في المعتقدات في موضوع زي هذا ؟
لما تستخدم لغه من لغات الخطاب أنجليزيه هنديه المانيه ولا حتى تشيكية و أنت تفهم مضمون الخطاب الدعوي و مايضركش و يضر دينك و أعتقادك ماعتقدش أنه فيه باس لو قلت آمين لو كان الدعاء للخير من غير مايخشو في الثالوث و ابن الله الخ الخ لانه يتعارض مع ديننا الاسلامي ككل …
تصور أني ماقلتش لاآمين ولا غفرانك اللهم…. ولا ربي يرحمها لومركز علي كلامي فوق .. كل الي قلته أنها أنتقلت للأخرة ، وماوصفتش حتى حاجه ثانيه لا ربي يرحمها ولا حتخش الجنه و لا تتعذب في النار .. لانه مفاتيح الجنه مش عندي للأسف .. كان هذا راهو بعثلك بوليط درجة أولى , ولا زعمك محصل أباليط و جاي تتفلسف علي عباد ربي ؟ أستغفر الله العظيم !
مسألة أنك جاي تحكم و تعمم علي الشعب الليبي الطيب و المحافظ زمان و تشوف في الهبال و العار حاليا ، فهذا مانختلفوش عليه لان مجتمعنا أصلا يلقط مايعطيش ، هذا موضوع للنقاش حنحطه في تدوينه بروحها ، هذا كانك أعتبرتني مدون من أساسه !
هذا واحد من الجماعه الي هدرزت عليهم في تدوينه ( لو أعتبرناها تدوينه ) حرية التعبير ,,, ربي يكثرلنا منهم يخشو يعطو شويه بهارات لتدويناتنا الي ماهيش تدوينات أصلا….
ربي يخليك لميمتك ياحاتم و مايحرمهاش منك .. وأريتها جابت منك عشرة راهو البلاد قعدت في خير ومحافظه أكثر … ولا خلاتك شفت الهبال و العار زي ماتحكي …
يالله سلامات
في البداية تعازي الحارة ليك يا أنس
ولو أن الموضوع ليه فترة بس كثر ما عقدني رد الأخ حاتم قلت لازم نرد عليه
خوي أنس لا تجادل أحمقا فيظن الناس انكما سواء
بالنسبة لحاتم لو مش عاجبك اللي ينكتب في المدونة ما تدخلش وتقرأ اللي مكتوب يكفيك مرة عشان تعرف ان صاحبها مش خرج تدوين
ولو القصة حسد اكتب حتى أنت ونقرولك عادي ونصفقوا في الاخير لو يناسبك
أهلين أختي بنت ليبيا ،،،
شرفتيني ونورتي مدونتي ( الي ماهيش مدونه ) و أسعدني قدومك و تعازيك ليا ،،، ربي يحاسب بالنوايا مش بالافعال ! كان هذا راهو راحت ليـــــــــــــــل زي ميقولو وهلبه أنفلقو في الاجر ,,,
من ناحية مجادلة الحمقى يابنت ليبيا فصدقيني القصد من الرد عليه مش لاني نبي نرد عليه و نجادله لا ،، لاني نبي نوضح حاجه في معاملاتنا مع الناس الي حولينا و مع الديانات الاخري ، كيف نحاولو نعطو فكرة علي سماحت ديننا و شموليته و نظافته ( مع أني مش مثال جيد للمسلم الملتزم المتدين ) ولاكن نحاول نتعامل من منطلق أن الي حوليا كلهم يشوفو فيا مسلم حتى لو عندي أخطأ في الشريعه أو غيرها .. ولاكن محسوب علي المسلمين و أفعالهم و تصرفاتهم .
يعني لما ندير عفسه حيقولو شفو الليبي المسلم هذا شن دار ,,
ولو درت حاجه كويسه حيقولو شفو كيف الليبي المسلم تصرف و عمل ,, ياودي الليبين كويسين و المسلمين أكثر ,,,
يعني مسافر و حامل لواء التعريف و أعطاء طابع حسن علي الليبين كشعب و المسلمين كديانه ,, مع أني والله قاعد نقول فيها مانيش متدين ونحاول نكون كويس مع الكل ,, زي ماتربيت و تعلمت من أهلي و في المدرسه …
بارك الله فيك أختي مره ثانيه و إن شاء الله مانجوكش غير في الافراح …
ومبارك عيديك و كل عام وأنت بخير