iAnas

10 من التعليقات لـ “في قهوه ع المفرق ، فيــــــــــــــروز!”

1. منير قال:

   21/09/2008 عند 06:00

   تسلم يا عزيزي .. سأتذكر هذا الإهداء دائماً !
2. nasimlibya قال:

   21/09/2008 عند 06:44

   ياااااااا سلام يا انس فيروز مع الفجر
   عندها هلبة اغاني حلوة تسلم ع اهدائك ياللي بالك وااااااسع معاي
3. هيثم قال:

   21/09/2008 عند 14:08

   صحيت يا انس وتسلم على النغم الحلو..
4. may قال:

   21/09/2008 عند 14:57

   انس فيروز ما يختلفوش عليه 2 وهذه الاغنيه بذات من اجمل اغانيها
   شكرا على هل اللفته الحلوة
5. خالد الشتيوي قال:

   21/09/2008 عند 17:11

   قال .. عمنا أن لجماعة عالم التدوين كلهم .. يعني منهم حتى أنا هههههههههه

   مشكور كثير ..:D
6. جاد الصاري قال:

   21/09/2008 عند 19:05

   منور زويتة ,, غير ماتفكرش اتفرحنا بيها يوم عرسك,, قصدي … فاهمني انت و الا لا ؟ ايه عارفك فهموي…
   يا قسطنطين… يلا يلا منور ” بالهلبة “
7. nasimlibya قال:

   22/09/2008 عند 02:57

   100000000000000 الانتقال
   ياله ان شاء الله ادراجتك هنا تكسر الدنيا يا مبدع
   بتدير حفل استقبال للحوش ولا بتخليها بعد رمضان ومتقولش انت ف حالة حزن ومفيهاش كيف قدام الناس عذرك مرفوض من توا نقولك
   
8. iAnas قال:

   22/09/2008 عند 20:37

   أهلين خوتي ومرحبتين بيكم في مدونتي الجديدة ( مش جديده جديدة لاكن باهي جديدة ) كمل دوتك و أنت كان فتحت فمك معاش تسكره هيئ هيئ هيئ ..

   ليلتها لما حطيت الاغنيه هذي و هديتها للجميع من مدونين و من أحباب و أصداقاء عالم التدوين القصد منه أنكم تشاركوني الانسجام و الحالة الي كنت فيها من سعادة … و حبيتكم كلكم تنسجمو و تكونو سعداء … و مافيش زي فيروز في حالات الوجد و الانعتاقد من كل هموم الدنيا غيرها لما تسمعلها وتسمع صوتها تصدح …

   منير .. ماعنديش أغلي منك باش نهديه الاغنيه و بارك الله فيك أنك مش حتنساها الهدية هذي و ماتخافش هديتك محفوظة لمساعدتك ليا في تركيب هذه المدونه و أظهارها للوجود بهذي الصوره الحلوة ( ربي مايحرمني منك قول آمين ) ! .

   نسيم ليبيا .. بجديات عرفت أنك ذواقه توى و بالذات فيروز و ع الفجر ( ع الخوى ) ياودي باااااااع … نقعد متخدر لما نسمعها و بالذات الاغنيه هذي مش عارف علاش .. ممكن لانها ماتتكلمش علي القهوى الي في اللنقلو ( حاشية الشارع ) ولاكن تتكلم علي كل البلد و تحسس فيا بالحنين للبلاد . ممكن هذا علاش نحبها !
   بالمناسبه .. هلبه يقولولي بالك واسع .. زعمك حاق ؟؟؟ بديت نصدق في روحي والله ههههه

   هيثم .. الله يبارك فيك و يخليك ليا ياااارب ( ومشكور جدا علي المساندة في أظهار الموقع للوجود ) يارب يخليكم ليا ياااارب .

   ماي .. فعلا واللهِ فيروز مايختلفوش عليها 2 صوت ولا أروع و أغاني ولا أجمل ، نبي نحضرلها حفلة بس مش عارف كيف ووين؟ لو عندها حفلة قريب صدقيني حنكون أول من يمشي لانها تستاهل فعلا الواحد يسافرلها .

   خالد الشتيوي .. الاسم مش غريب عليا ( أنت من عرب الزاوية ؟ ) ع العموم فكنا من عمي وخالي وخلي البساط أحمدي زي ميقولو خوتنا المصريين ، و الاهداء للجميع المدونيين و بالاخص الليبين و خلي نشوفو يوم عدل مع بعض و حنى من نكبة لنكبة هاهاهاها ماتفهمنيش غلط !

   جاد الصاري .. ماعنديش فيه جميل خوي ، بمناسبة الزوج و العرس ، ياراجل خلي نلقى المرى قبل و بعدين ساهل ، صدقني مش حننساك في العزومه , أصلا مش حنلاقي حد خير منكم باش يزفني , شنو رايك في الكلام الحلو هذا هاهاها

   نسومة !
   تي شنو تديري هني يابنتي ؟
   الحفلة أكيده ضروري منها ( الي مات مات علي روحه زي ميقولو ) هاهاها
   غير خلي نوتي الموضوع متاعها و زي ماقلتلكم ماحدش يخشلي وأيديه فاضيه و علي قولة ( عمتك روزاليه ) أني غنية و نحب الهدية لـــــولـــــ

   يالله سلامات خوتي و إن شاء الله نتلاقو قريبا في أول تدوينه علي الهوست الجديد .
9. نزار قال:

   23/09/2008 عند 00:47

   الله يا أنوس يا فنان وصحيت على الأهداء الصح
   أنت عارف قيمة فيروز عندي وعند اي حد عنده أذن موسيقية أو حتى عنده احساس من الأصل .

   والف مبروك على الدومين الجديد , قداش زنيت عليك زمان ,أأأخ
   وفي الأخير أقنعك هيثم , صحة على أيده

   اقتراح:
   أغلق المدونة القديمة باش التعليقات ما تحوسش وانت تحوس معاها .
10. iAnas قال:

    24/09/2008 عند 19:01

    ماعنديش فيه جميل يانيزووو … أصلا عارف ذوقك في الموزيقه هذا علاش شملتك بالاهداء …

    قبل ماعنديش مانعطي يانزار هذا علاش ماكنتش موافق علي شراء دومين .. لاكن بعد ماجربت ياودي تريتني متأخر هلبه علي الجماعه . خلي نلحق روحي قبل مايولي متأخر هلبه هلبه ههههههه

    حاضر حنلغيها مره وحده باش معاش يبدي ليها وجود غادي و نقعد غير هني .. تخاف غير تنسمح التدوينات الي هني حتى هما لو مسحتها من غادي؟
    حنجرب ونشوف ياخابت ياصابت.

    سلامات