لم أجد الوقت الكافي لكتابة كل يومية علي حدي فقررت أن أجمعهم جميعا في تدوينه واحده ،،،
بما أن عطلة الخريف بدئة هذا الاسبوع ، فقمت بوضع نشاطات مختلفه للطلبة الذين لم يذهبو في أجازة الخريف ،،،
يوم الاثنين ,, رحلة الي شاطء البحر القريب من مقر اقامتي
الثلاثاء … نشاطات داخل المدرسه ، رسم موسيقي العاب و مسابقات تنشيطية ،
الاربعاء .. رحلة الي مزرعة قريبه من أوسلو العاصمه ، ولا أروع ولاكن الجو ممطر ،، هناك قول مأثور هنى وهو ( لايوجد طقس سيئ ولاكن أختيارك للملابس هو السيء ) ,,, فلكل طقس ملابسه المناسبة حتى تستطيع أن تستمع به من دون تدمر .
المزرعه بسيطة جدا فيها مجموعه من الحيوانات و مساحة للعب كرة القدم مع وجود مكان لأيقاد النار و شواء النقانق ( التي لاأحبها ) …
يوم الخميس ،، نشاطات داخل المدرسه ،،
يوم الجمعه ( اليوم ) ،، رحلة للحديقه المركزية و العب بالطائرات الورقية ،،، العوده للمدرسه و القيام ببعض النشاطات من بينها تعليم اطفالي لعبة كرة الطاولة التي أجيدها بشكل ممتاز …
أنتهى الاسبوع طبعا بسرعة ،، و السبب أني بعد كل يوم طويل في المدرسة أرجع للبيت حتى أكمل العمل في المطبخ وأنسي كل مايدور من حولي و أكتفي بأطلالتي القصيرة علي الانترنت لتفقد إما البريد الالكتروني أو لقرائة و التعليق علي بعض الردود …
و الان يجب علي الرحيل مره أخرى للقيام ببعض الاعمال داخل مطبخي الذي لن ينتهي العمل فيه قبل ثلاث أسابيع علي أقل تقدير ( يالي من سعيد ) هاهاها
نشيط يا انس
بس عندي ملاحظة
لماذا الارانب بؤوووساء ؟؟ شكلهم كئيب جدااااااااا
اكثر صورة عجبتني الصورة الاخيرة حلوة
أخت نسيم الارنب الأخير من فصيلة (الانجورا) هكي شكلها وهي في قمة السعادة إلا انها ليست حيوية .
اما الصورتين اللي فوقها فهذا هو القندي وموجود في ليبيا بكثرة (سوق الحوت بتاع طرابلس بعشرة دينار الواحد وعلى الرصيف قدام السوق بثمانية).
انوس…الصور فكرتني بالزرادي اللي في حوازتكم في العجيلات
نزار قصدك لخبطت بين القندي والارنب؟؟؟؟ لالالا ف اكثر من صورة للارانب (( وحتي لو طلع قندي اني بناديه ارنب )) خلاص تبرمج هكي ومعندي مندير هذا الكمبيوتر !!!!!!
أهلين وسهلين بأختي نسيم ،،، دائما الاولي في الردود ، ربي مايحرمني منك ومن ردودك ،،،، قولي آمين !
مش مني يا نسيم النشاط ، من القوانين الي هني و الاسعار الي شايطه فيها النار , اليوم الي نرقده مانخدمش فيه نقعد يومين ماتخشش الثلاجة لقمة الزاد! يعني بالعربية ( مجبورُ ُ أخاك لابطل ).
والارانب فعلا هذا نوعها و هكي شكلها زي ماقالك خونا نزار ( تخصصه طبعا أنتاج حيواني ) ,,, و علي فكرة الارانب عســـــــــــــــل ،، تي دلوعات ع الاخر هاهاهاها م الاخير .
الصوره الاخيره حلوه لانها طبيعيه و الصغار يتجارو و مش جاهزين للكامره الخ الخ الخ ,,, طبعا ممنوع وضع صور الاطفال علي شبكة الانترنت ،، لذلك الصوره لاتظهر وجوه الاطفال … للعلم فقط!
أهلين بالغالي نزار ,,, تي وين هالغيبه هذي كلها ؟
فعلا والله خوي نزار ، مافيش فرق بكل بين حوازتنا في العجيلات و الجو الي هني ؟؟؟ تي هات خشمك هااااات !
تي في أحسن المواسم الربيع في حوازتنا ماتكونش الدنيا خضري بالشكل هذا ؟ ممكن الجو متاع المكان فعلا يفكرك بالزرايدي و الجو متاع ليبيا لاكن مش بالخضرى هذي الحق ,,,
يالله ربي يعطيك العمر و تجيني و تزرد عندي هني و نرفعو خروف و نديرو عار الليبين دبح و سلخ و تجينيا الشرطة و جمعية حقوق الحيوان و نتحاكمو و نتعلقو ع المشانق و ,,,,, البقية في العدد القادم ! هاهاهاه
سلاااام
صور و طبيعة في غاية الروعة يسلموا الايادي على الصور
بس لو مزرعتكم هكي قولنا وين مكانها خلي نمشوا ولو أني نشك ان العجيلات فيها مكان زي هذا
نبصر معاك
نسيت حاجة مهمة امتى يقروا الصغار غادي كان الاسبوع كله زردة
الله يرحم اياماتنا الاسبوع كلها قراية حتى حصة الرياضة بقدرة قادر تتحول لرياضيات
كان عندنا علم من زمان رانا قرينا عندك
قولي بلامواخدة , خروف مازقري الي بالبراكة الصغيرة الي تحت الحصان !!!!
وعلاش براريكهم صغيرات العفووو !!!!
لكن الجو من الأخير بكل بكل نحسدك علييييييييييه
حاجة شكلها من الأخير , توليعة نار و براد شاهي منعنع ولقني و دق حنك
يسلاااام