iAnas

16 من التعليقات لـ “جواز سفر”

1. iAnas قال:

   03/10/2008 عند 21:21

   بالمناسبه ،،، الوجوه التعبيرية واخدهم من مدونة نكشة مخ … أن شاء الله غير يسامحني صاحب المدونه علي الاستعارة هذي , لانهم عجبوني و معرفتش كيف نبعثله ونطلب منه الوجوه ،
   هذا للعلم فقط!
   سلام
2. nasimlibya قال:

   03/10/2008 عند 22:05

   اني نوافقك في تعقيد الاجراءات في استخراج المستندات الرسمية
   بس اتذكر ان في فترة ما ان استخراج جواز سفر ماما لم ياخد اكثر من يوم واحد فقط تخيل !!!!!
   بس طبعا حضرتي لسة مش مستعجلة ع جواز السفر اما عن حجم البطاقة الشخصية فهي صغيرة بس ممكن حاليا كبر حجمها ؟؟
   ع العموم تهانينا انس ع جواز السفر وان شاء الله بسفرات حلوة وممتعة يارب
3. غيدا قال:

   04/10/2008 عند 00:18

   حي احي
   مالا مشفتش البطاقة الشخصية

   الجواز مازال اهون

   تعرف
   لو تزو إدارج في مدونتي اسمه

   رحلتي مع البطاقة الشخصية شارع بن عاشور ممكن تصيخ من تشوف شنو صارلي

   تصدق تصدق
   طلبوا مني ورقة ثبت اانا ليبية

   هئ هئ

   درت مشاوير على بن عاشور قريب 9 مرات ماشية جاية آخر حاجة خديت شنطة دبلوماسية معبيين فيها الورق ورفعته هئ هئ هئ

   قعدوا كلهم يضحكو ا الناس عليا

   والله عرعور وخلاص

   تعرف امتا بيفيقوا

   عام

   3000

   هئ

   نكونو خذينا جواز سفر من عزرائيل

   هههههههههههههههه

   ربي يكون في عوناوخلاص

   عادي في المعادي
   وضاع الضفدع في الضباب

   مازال شنو ريت إنت توة قالك بيدونا كل واحد رقم زي مقابر الأرقام في اسرائيل هئ هئ هئ

   افرح هيا

   زور الإدارج تقرا معاناتي
4. غيدا قال:

   04/10/2008 عند 00:22

   حقا نسيت نقولك زي مقالت نسيم ليبيا

   البطاقة الشخصية حجمها زي سفرة التفريق تقول لاشنطة مدرسة
   قد مشريت برطوفولايت(جزدان) مبت تخش في واحد منهم

   مرة قريب شريتلها خيط وعلقتها في رقبتي ونرتاح

   تصدق ليلة جبتها بيتها تحت المخدة فرحانة كل منمشي نسحب من المصرف فلوس اكثر من 500 يقولي وين البطاقة جنني

   وقت مستقطع معلش تلحيقة دوة هههههههههه
5. ليبي جدا قال:

   04/10/2008 عند 04:30

   طبعا السبب في تأخير صدور البطاقات والجوازات هي العقول المتحجرة التي من المفروض انها تقوم بخدمتنا , لكن بمجرد ان تذهب غلي أي من اماكن اصدار الاوراق الرسمية تكتشف انك تعامل كانك تقوم بخدمتهم وخدمة (حذف من قبل الرقابة) .
   والسبب بسيط أن كل هذه المؤسسات مؤسسات عسكرية يقودها ضباط , علموهم أيام زمان في روسيا أن المواطنن ملك بوهم وأن المدني في أدنى السلم الأجتماعي
   وأن الخنس (الحس الامني) هو الشئ الوحيد الذي يجب ان تثق فيه لا تقنية ولا كلام فاضي .
   حيث ان قمة التقنية من وجهة نظرهم هي طباعة الاوراق على برنامج word office .
   وأذكر أني حضرت مؤتمر لشركة بلجيكية تقدم تقنيات امنية للجوازات والبطاقات حضرها ضباط على مستوى عالي كان معظمهم لايعرف الانجليزية والقليل الذي يعرفها يجهل التقنية أساسا .
6. التاجوري قال:

   06/10/2008 عند 09:46

   السلاااام عليكم
   خير يا أنس , شن حالك لاباس عليــــــــــــــــــــــك
   اسمع نعطيك اطلعلي كتيب عائلة عنــــــــــــــــدك
   الحكاية هنايا فيها مش مشاوير لبن عاشــــــــــــور
   على الأقل بنعاشور حجة و فرجـــــــــــــــة 10001
   ههههههههه مشاوير لسرت جيب إنتقالة المــــــرا
   على فكرة أنس , برا أجري على الرقم الوطني توة

   10001
7. iAnas قال:

   06/10/2008 عند 10:00

   أهلين خوتي ومرحبتين بيكم في مربوعتكم الليبية ،، مدونتي شؤون ليبية !

   نسيم ليبيا ،، زي العادة أول من يرد و ليك السبق دائما ( أمنيتي نعرف كيف تورقي للتدوينات ) أكيده في رابطه ولا برنامج يقول أن فيه تدوينه نزلت صح؟
   نسيم ياغاليه أكيده عندكم واسطه قويه هلبه باش طلع في يوم و ليلة الجواز !! غير قولي الحق ؟ ماتخافيش مش حنطلب منك جواز ولا شيء غير نبي نعرف بس هاهاها أكيده لو مافيش واسطه قويه راهو طاقة القدر أنفتحتلك هذكا اليوم وكانك طلبتي مليون دينار راهو لقيتيهم طايحات في خرواطة ( شكارة الدقيق ) قدام الحوش …
   أني مش ندم في حالنا ووضعنا في ليبيا ولاكن نتمناله الافضل و الاحسن هذا القصد من تدمري الدائم و مقارنتي للوضع في ليبيا بالاوضاع الثانيه للدول الاخري والي حولينا ,,, إن شاء الله غير فهمتي عليا بس ؟.

   أختي الصغيروووونه غيداء !
   تعرفي هذا وين زبطتك ( ورقتلك = عرفتك ) هوا أنت صاحبة الموضوع هذا في منتدي أويا صح؟ توى كيف فهمت أني منين نعرفك ؟ هاهاها
   وبعدين أني الي قتلك علي حجم البطاقة الشخصيه مش نسيم ,,, ركزي بالله عليك ,,, أكيده الحراميه دهبولك شيرتك هاهاهاها
   الدول المتقدمه نست موضوع البطاقه الشخصيه و الشيء الوحيد الي يعتبر بطاقه أو في محل البطاقة الشخصيه هي بطاقة الائتمان المصرفي ( VISA أو M card ) لان فيها كل المعلومات الشخصية و صوره شخصية. و حجمها صغير و تنحط بسهولة في الدزدان ( المحفظة ) .

   نرجع للباقيين بعد الخدمه ,,, سلامات
8. غيدا قال:

   06/10/2008 عند 12:54

   هئ باهي اللي ورقتلي صار

   شوفت التشحويرة ولالا

   ولا ويقولي بالك مش ليبية

   حلوة حتى هادي

   ايه ايه بطاقة الإئتمان وبعدين عيط بعدها

   توة قالو يبو يدور الرقم الوطني مرة مدون اسمه صالح الشارف هو اللي قال على الفكرة ونشروهله في جريدة الجماهيرية
   هي مطبقة في بعض البلدان

   ولانقولك تعرف نحس فيم الجوازت والبطاقات الشخصية والبلدية يبو تفجير ونسف وبعدين تأهيل من أول وجديد

   هئ توة يحسبوني إرهابية

   هههههههههه

   المهم باهي مبروك جواز السفر
9. iAnas قال:

   06/10/2008 عند 14:47

   عودة بعد الفاصل! ترا لالا لااااااا ( موسيقي تصويرية طبعا ) !

   خوي ( ليبي جدا ) عندي أحساس قوي أني نعرفك ، و أتفق معاك في كل الكلام الي قلته و ممكن أحرف ، غير الواحد مايبيش يقعد يشلبخو فيه في الريحة والجية و فروج و مرادة و أنت فاهمني كويس طبعا.

   أخي العزيز ( التاجوري ) ,, قبل كل شيء أسمحلي نقولك أني سعيد أنك مشرفني مدونتي ،،، عرب الركن الليبي مشرفينا في مربوعتنا ، يامرحبا يامرحبا بالغاليين ! وخلي نضيفك عندي في قامئة المدونيين الليبين باش تسهل عليا الطله و مانقعدش ندور و نبحث في اللينك متاع مدونتك كل مره ,,,

   بالنسبه لفكرة الرقم القومي ، فهي فكرة قديمه جدا موجوده في كل أوروبا و الدول المتقدمه! ( أقتباس من فيلم الارهاب و الكباب ,,, في أمريكا و الدول المتقدمه ). يعني ماجابوش حاجه جديدة ، وياريتهم يعملو بيها لانها فعلا تحد من عمليات التزوير و الغش و الخداع الي يصير في كل قطاعات المجتمع تلاقي أكثر من شخص يتقاضو في مرتبات و هما ميتين أصلا هاهاها!

   اهلين أختنا غيداء مره ثانيه ،،،
   تي شنو يابنتي تبي يحجرو علي مدونتي ولا شنو ؟ شنو تفجير و تدمير و عمليات أرهابية ( زيادة مني هذي ) و الكلام هذا ,,,, تربحي يابنت خلي المدونه في حالها أني ماصدقت وقفت علي رجليها و بدت تنعرف مش ناقص تشلبيخ في المطارات الله يهديك بس !!!!

   هوووووش ,,, بيني وبينك مش غير الجوازات و الجنسيه ومبني البلدية الي يبي اعادة نظر و إزالة و بناء من جديد غير رزرزي بس لولــــــــــ

   وشكرا علي التهنئة ميــــــــــــــــــــــــغسي بلينغ بلينغ
   سلامات
10. بنت ليبيا قال:

    09/10/2008 عند 20:46

    مبروك عليك الجواز وبالنسبة للعرقلى في ليبيا باش الواحد يحس بقيمة جواز السفر

    بالنسبة ليا طلعلي جواز سفري السنة الماضية في يوم واحد وياريتهم عطلوا عليا سنة ولا العملة اللي صارتلي

    شهاداتي الجامعية كلها مترجمة على أسمي في الجواز القديم ولما غيرت الجواز غيرولي أسمي

    ومن السنة الماضية لعند اللحظة هذي وأنا ندور بين الجامعة والتعليم العالي والخبرة القانونية وما طلعتش شهادة تانية وياعالم لعند امتى؟
11. منير قال:

    14/10/2008 عند 11:12

    27 وجه تعبيري في تدوينة واحدة .. إششششششششششيه عليك يا صــلــــ وخلاص

    تي مبارك عليك الزواااااز واتبيده بالهني هيء هيء

    وبالنسبة للكلام اللي كتبوه اللي قبلي كله في منه وماعندي ما انزيد عليه يا

    واتية الشواية والا لا؟
12. iAnas قال:

    14/10/2008 عند 22:33

    بنت ليبيا ،، يامرحبا بيك أختى العزيزة !
    بجديات مصيبة موضوع أن أسمك ينكتب بطريقه و شهاداتك مكتوبه بطريقه ثانيه لانهم مش حيعترفولك بيها في الخارج ، لاااازم ولابد تكون نفس الاسم و نفس الحروف ، حرف زايد حرف ناقص تفقد الشهادة مصداقيتها ( تعرفي علاش ؟ ) لانهم حاطين ليبيا في البلدان الي فيها نسبة كبيرة من الغش و التزوير ،،،، ليس إلا !
    ربي يكون في عونك و تطلعي جوازك مره ثانيه و في ويم و احد و بالاسم الي أنت تبيه بالظبط !

    الغالي منير !
    وخيره النهار المبارك كيف فرحنا و عرفنا نحطو وجوه خلي الصفحه تولي فيها حياة شويه و هيا كانت صامته حامضه لاتعرفها ماشيه لاتعرفها جايه ،، توى الواحد يفرح لما يشوف تعليقات و فيها وجوه و حركات .. ولا اني غالط ؟
    الشواية للأسف مش واتيه ( تي الشتي خش علينا ياسيد ,,, وين تبي تخلينا مكعبات ثلجية بري ولا كيف ؟؟؟ هاهاها )
    تي أنت غير تعالي و بعدين ساهل ياراجل ،، وعلي قولة حناي الله يرحمها ( خلي يولدو و يسموه ! ) … هاهاها

    سلامات
13. SLSHA قال:

    28/07/2009 عند 13:44

    أعداء ليبيا وأعداء الحضارة دائماً يحبطون همم المواطنين من الشعب الحر وكل ما ورد كذب في كذب فبإمكانك استخراج جواز سفر في يوم إذا كان مستعجل بـ 35.5 أما إذا تريد الإنتظار بقيمة 30.5 وهذا كل ما يمكن قوله .
    إن المرضى دائماً يريدون تحطيم إرادة الشعب
    لا تسأل ما يقدمه لك وطنك بل إسئل ما يمكنك تقديمه للوطن .
    نموذج منحط معادي للحضارة لا تستحق الإحترام .
14. iAnas قال:

    30/07/2009 عند 22:16

    أهلين SLSHA !
    أولا ردك فيه العديد من المتناقضات أخي العزيز و الدليل علي صحة كلامي هي ردود باقي الاخوى وليس كلامي شخصيا في التدوينه , و كما قلت بنفسك أن كنت مستعجل يمكنك أستخراج جواز السفر في يوم واحد بمبلغ 35.5 وإذا أحببت أن تنتظر فبمبلغ 30.5 دينار ليبي ,,, وكلامي كان بدون دفع أي رسوم و اليوم الثاني يكون لذيك جوازك بدون دفع رسوم أضافية أو غيرها ,,, لانه حق من حقوقك فلم الدفع من أساسه لإستخراج بطاقة شخصيه أو جواز سفر ؟؟؟

    بالنسبة لماأقدمه لوطني فهو الكثير الكثير كغيري من المواطنيين الشرفاء الذين تسنتكر عليهم المطالبه بأبسط حقوقهم كمواطنين لهذه الدولة !!! و أستنكاري للتقصير و الاوضاع في بلدي لهو أكثر دليل علي حبي لوطني و خوفي عليه لاني أريد الافضل له و لأهلي … فلا تستغرب و تستهجن صراحتي و صراحت كل من يعري التقصير و العيوب الموجوده في نظامنا وأتهامه بالنموذج المنحط للحضارة و التحضر .. ولا أنتظر منك الاحترام أن كان هذا سيجعلني أسكت عن أبسط حقوقي و حقوق المواطنيين في هذا البلد الاغني في قارة أفريقيا ….
15. الصح قال:

    30/05/2010 عند 21:47

    ياسركم ياليبيات مرض وتخلف ، الإجراءات الرسمية متع الدولة صارت عندكم تعقيدات ؟؟؟؟؟؟
    غير من عمايكم وأخلاقكم الشوارعية سادة.
    تحشموا ياليبيات.
    أحترموا نفسكم وتكلموا بإحترام
16. اسو قال:

    15/06/2010 عند 11:01

    السلام عليكم …
    أ. انس انا حبه نتعرف عليك انت وعلى طريقتك تفكيرك ممكن ايميلي مكتوب عندك لو تحب اتوصل دزلي ..
    باي