iAnas

13 من التعليقات لـ “بسكويت القرفة و الزنجبيل ( Ginger Bread )،،،”

1. كريمة الفاسي قال:

   05/12/2008 عند 11:17

   السلام عليكم ورحمة الله وبركاته
   اول مرة نعرف ان في ليبي فنان حلويات وحاجااااات(صقع)
   يا عيني يا عيني ،هو صح في هلبة ليبين يطيبوا وما كله صح واولهم زوجي لكن بهذا الابداع والفن والفلاحة انا في وجهة نظري انت الاول بلا منازع………عفوا شباب
   توا خلينا نجوا للمهم، بالنسبة ليا متحمسة جدا جدا اني نجربها ونديرها لذلك عليك بتحمل مسؤليتك التدوينية والاجابة على اسئلتي التالية وهي:
   1/الشراب القطر السميك ماذا تعني به يعني احنا في ليبيا ما عندناش حضرة العسل الاسود ونعرف هلبة مصريين دوروه ما لقوشي ويستعملوا في رب التمر بدله هل ينفع نستعمل الجولدن سيرب واي نوع بالزبط الثقيل او الخفيف وانت شن اللي استعملته شن اسمه بالليبي او الانجليزية(وفكنا من الاسماء المصرية ما دوخنيش)
   2/والدوخة الثانية حكاية اليسي ليتر ، فكني منها اعطيني بالملي ليتر قداش وساهل قياس يمكيال البيركس بلا دوخة.
   3/انت قصيت الفورما على ورق الزبدة مهم عندي تقولي كيف رسمتها وكيف قصيتها(مش تقول شن هالغباء لالا مش غباء لكن انا في الطبخ نكبش في ادق التفاصيل بالمزبوط)تعرف ان في هلبة واكثر الطباخين وكتب وبرامج الطبخ ما يجيبولكش التفاصيل الصغيرة وهي اللي تبدا مهمة وعلى الكلام كله
   4/الغراء درته بــ(رويال ايسينج شكر) باهي يا ريت تجيبلنا كيف زينت بالتفصيل وزقتها وتكمتها هكي
   الله غالب مش ح تفتك من تنتقنيقي لحد ما تجاوب ع الاسئلة
   واخيرا يسلموا ايديك
2. may قال:

   05/12/2008 عند 12:31

   انس شنو هل الابداع

   نعرفك من الاول فالح فى الكوجينة لكن المره هذى مش عادية,,,,
   شيف وفنان هلبه على الشركه,,,

   بلحق بلحق ما شاء الله ما شاء الله

   توه نجربها ونقولك النتيجه
3. منير قال:

   05/12/2008 عند 13:19

   بسم الله ما شاء الله ؛؛

   يومين وأنت تخدم وصابر مش تطلع الحلويات بهذا الشكل ، لم نشوف في الحاجات هذه وكيكات أعياد الميلاد والحاجات تبع الجماعة نستغرب في الأشكال ونقول عادي صنع مصانع للحلويات وشركات خاصة ، لكن الان ، إتضح لي وعن قرب أن عندنا أنس بمقدوره فعل كل ذلك وفي منزله وفي مطبخه الجديد وبكاميرته الجديدة

   يعطيك الصحة يا خوي ويسلم إيدياتك
4. نزار قال:

   05/12/2008 عند 13:24

   انس ..قصدي الشيف انس (رغم ان روب الحمام مش ماشي مع الجو ) , ياريت تروح لخوك نزار بطرف من البشكوط اللي في الصورة
   وتقدر تتخايل شنو صاير فيا وانا نتابع في التدوينة
   وانت عارف بالضبط شنو يصير فيا جنب الحلويات (منحكيلكش روايق تسكسك وحالة اللطف).
5. نزار قال:

   05/12/2008 عند 13:37

   أخت كريمة الفاسي
   اولا:انا من المتعجبين بأستاذ رامز ومن المتتبعين لمدونتك الرائعة .
   ثانيا :فلاحة انس وراثة سلم أبلة روزاليا امه (طباخة بريمو) .
   ثالثا: يمكنك أستبدال القطر بالكراميل (سكر ومية وعلى النار لين يختر ويصبح ثخين القوام) .
   و3 ديسي ليتر يعني 300 مللتر اختي العزيزة .
   اما السؤال الثالث والرابع فيجاوبك عليهم ألشيف انس .
6. iAnas قال:

   05/12/2008 عند 15:24

   معليش رد مستعجل جدا قبل مانطلع للمطار ،،،

   أختي كريمة ، مرحبتين بيك وشرفتيني في مدونتي ،،،
   أيه هوا هذا الي نحكي السيروب الفاتح ، بس تقدري تستخدمي أي واحد فيهم فيه نوعين فاتح و فيه غامق ، أستخدمي الغامق لو تبي البسكويت يكون لونه أغمق ولو تبي يكون لونه عادي فختاري العادي …

   الديسي ليتر زي مقالك نزار عشرة بالمئة من اللتر .. يعني كل عشرة ديسي ليتر تساوي لتر ، و في الحاشية متاع المالقي تلاقي التخطيط متاعه … أختاري علي حسب الشرطة الموجودة .

   عملية القص قبل ماتقصي العجينه علي الطاولة تكوني محضرة الاشكال الي تبيها علي ورق مقوي و بعدين تحطيها فوق العجينه المطروحه و بالموس تقصي علي حاشية الشكل الي عندك ،، يعني زوجك مهندس و جاية تسألي فيا واااااااااك … ماعنديش وقت توى خلي نروح للبلاد و من غادي ننزل الطريقة بأكثر شرح .

   فيه حاجتين تلصقي بيهم .. السكر المحروق الاول هذا للحيوط ببعضهم لانه قوي و سريع . بس ردي بالك زي ماقتلك راهو العسل المحروق بجلدتها كان طاع عليك ،، لاسمح الله.
   و الحلويات الي علي الحيوط و التزيين الجانبي و الخارجي هذا بالسكر المطحون مع بياض البيض زي ماقتلك … و حطي السكر المطحون و حركي سكر مطحون و حركي لين تتحصلي علي مزيج خاااااتر زي اللصقه … هذا الي يستخدم في تتزين الخارجي . و حطي علي المكسرات و لصقي علي الحيوط … تم

   الباقيين توى نرد عليكم لما نوصل للبلاد بعد غدوه بعون الله ..

   سلامي للجميع
7. كريمة الفاسي قال:

   05/12/2008 عند 17:36

   اولا ان شاء الله توصل بالسلامة، وكانك وصلت قبل ما تقرا التعليق خليني نقولك: الحمد لله ع السلامة.
   والنقطة الثانية بيش تعرف بس لما نقول في مدونتي اني نقنق على راس رامز انه فعلا واااااااااك.
   شكرا ليك ولنزار على التوضيحات ومن فضلك لما تنزل حاجة تانية صقع زي هذي بالله حطها بالتفصيل الممل وبلاش تقفيص في المعلومات وانا اطالب بطريقة القطار
8. hana قال:

   06/12/2008 عند 12:04

   ماشاء الله فلاحه..ربي يبارك
   بجديات تدوينتك المره هادي ترفع المعنويات ..جوها مليح عل الاخير ..طبعا هي الدوه مش علينا علاش الكذب ..الصغار في المدرسه عندنا طرف باسطي مكبد مش لاقينه كانا نورلهم الشكل متاعك بس إشبح شن ايصير فيهم( تكبير شوايد شويه معليشي)
   المهم ترجع بالسلامه ان شاء الله وصحتين على قلبكم وسلملي عل الصغيويره
9. iAnas قال:

   06/12/2008 عند 18:41

   أخت ماي ,,, أخجلتيني بمديحك بارك الله فيك .
   طمنيني شنو يصير معاك بعد ماتجربيها . إن شاء الله ماتنحرقش معاك الوصفه وبدل ماتاكلي بسكويت تاكلي بُسمات هاهاها.

   خوي منير … التعب فعلا تعب بس ممتع بجديات لما تقعد تدير شيء و بنيه يطلع معاك بنتيجه حلوه و مرضيه تنسي التعب كله و تستمتع بيه في النهاية … بالمناسبة هذي كامرتي الكانون باور شوت القديمه لاكن كوجينتي الجديدة .
   تعالي أنت بس زيارة و أني ضوقك أكلات ونزغطك زي ذكر الوز لين يطلع من جنابك و تكره الاكل هاهاها

   خوي نزار … تي هذا مش أي روب هذا كينزو KENZO .. يعني مصمص فمك بالزهر قبل ماتتكلم عليه … تي نحلف براسه مانحنثش هاهاهاها
   ومش غير أنت بس من متتبعي مدونة م.رامز ,, و حتى أني مجنون طيران بس طيران شراعي فقط هاهاها مادخليش في الميكانيكا و المحركات , مافيش ماأحلي من الطيران بالبراشوت قلايدينق … غير أمتى يجي الصيف باش نمارسها مره ثانيه …
   بالنسبة لموضوع الوراثة ففعلا الطبخ و الديكور و التصميم وارثهم عن عمتك روزاليا ( أمي العزيزة ) و فيه هوايات وارثهم من بوي زي الصيد و السباحه و الزراعة و التصوير الخ الخ الخ …. ربي يرحمه و يخليلي ماما الغالية ….

   أختي كريمة ( مره أخرى ) …
   أني من النوع الي نشرح بالتفصيل الممل لاكن للاسف التدوينه هذي بالذات جت أبصر كيف فيسع فيسع و مريض و بننزل للبلاد نعيد مع العويلة الخ الخ ومع هذا ماكنتش مفكر أن شرحي هذا كله و مزال مش واضح … المره الجايه ننزل كاتلاوقات و أمري لله ( نبصر طبعا ) … هاهاها

   أختي هناء …
   ماتفكرينيش في صغار ليبيا , و الله قداش مسخفيني هذا علاش كل ماننزل لليبيا نشد صغار خوتي و نفرح فيهم و نجيبلهم في حاجات ندلع فيهم بيها باش يحسو بطفولتهم شويه , ماهو الطفولة هني مقصرين معاها زي مامقصرين مع هلبه حاجات ثانيه مانبيش نتكلم خليني سااااااكت تربحي ….

   كتبت في الزاوية / ليبيا
10. nasimlibya قال:

    07/12/2008 عند 00:07

    اممم لذيذ الباين
    ومع ذلك وين التشيز كيك ؟؟؟؟
    ع العموم ياريت تسامحنا لو غلطنا فيك اهو عيد الايام هادي عمو انس ابو قلب كبير وابيض كالحليب

    كل سنة وانت طيب
11. benjamin قال:

    08/12/2008 عند 10:02

    السلام عليكم ورحمه الله :

    iAnas : اتمنى أن تكون بخير ..

    ماشاء الله عليك ..
    ما صنعته جميل .. وكـــل عــام وانت ورواد مدونتك الجميله بخير

    .. بنياميـــــن ..
12. iAnas قال:

    09/12/2008 عند 23:47

    أهلين أختي نسيم ليبيا !
    مش ناسي طلبك يانسوم ماتخافيش ، و التيشز كيك حنديرها بالتفصيل الممل غير صبري بالك شويه معاي بس …
    وفكينا من عمو تربحي علاش تكبري فيا بس هههههه
    كل عام و أنت بخير و بصحه وسلامه يااارب

    مرحبا اخي بنيامين !
    كل سنه وأنت بالف خير و بصحه وسلامه يارب …
13. Amalia قال:

    15/12/2008 عند 15:14

    مرحبا أنس

    لم أزر مدونتـك منذ وقت بعيــــــد
    جميل أنك لم تزل نشط

    لم أتحمس للبسكوت بالبداية ولكن لما رأيت الكوخ غيرت رأيي تماماً
    شكله جميل ولذيـذ

    سلمت الايادي
    وكل عام وانت بخير