iAnas

21 من التعليقات لـ “المقطع ( رشتة البُرمة ) …”

1. منير قال:

   16/03/2009 عند 01:50

   أقوم بتجميع أطباقك حتى ذلك اليوم أنس باشا

   لا أريد الأكل في المطاعم ولا أريد تذوق مطبخهم هناك إحم إحم ..

   يعطيك الصحة، وبالهناء والشفاء
2. iAnas قال:

   18/03/2009 عند 00:37

   مرحبا منير !!!

   أولا .. ميلودك مبروك خوي , مبروك عليك و من المعيدين الفايزين يارب !

   ثانيا .. أنت غير تعالي عندي أسبوع ولا عشرة أيام زيارة و أني نخليك تكره الاكل الليبي هاهاها

   كنت أحرف منك زمان ( دحية مانعرفش نقليها ) تغربت و انجبرت نتعلم و فعلا تعلمت و بديت نطيب و توى مانحكيلكش أستاذ طبخ درجة أولي … زعميتك هاهاها

   نتسني منك في زيارة الصيف هذا!
3. Lollwa قال:

   22/03/2009 عند 20:26

   ما شاء الله… يسلم إيديك
4. iAnas قال:

   29/03/2009 عند 11:13

   مرحبتين أخت لولوا، ربي مايحرمني منك و من طلتك في كوجينتي المتواضعه .
5. انا قال:

   01/04/2009 عند 14:43

   نقولوله مقطع ف المنطقة الشرقية لكن ما نحطوش بصل! ندقوا الثوم مع قرن فلفل حمر مبطبط وكسبر وقديدنا يكون اصلا مقلي ومرقد في شحمه نحطو منه في الطنجرة بدون اضافة زيت ونزيدوا الطماطم الحب المعصور والمعجون والبزار – اللي هو الكركم عندكم وما نحطوش حرارات اللي هن البزار عندكم ابدا يغيرن الطعمة ونزيدوا والفلفل الاحمر المطحون ونخاوا يتقلى بالنسبة للبقول عادة مانحطوهنش اللا في الشتاء في العادي نديروا المقطع من غيرهن اللا من شوية حلبة للي يحب – ولو اني مستغربة حجم كمية الحلبة اللي حطيتها! انت عارف عواقبها الوخيمة وريحتها اللي ماتحول من الحوش واللبس وحاشاك الحمام والجسم لما يعرق – نحنا نعلقوا عليها كونها من العلامات الليبية المسجلة ومن مكونات الجنسية الليبية القحة المهم البقول عادة نسلقوهن برة في طنجرة قبل ومن غير ملح لأنهن لوطبخن في ملح لايمكن يطيبن ولازم يكونن منقعات قبلها بليلة والكسلانات يستعملن في حمص حكاكي – المقطع الحقيقي الصميم علي قول صاحبتي ما يوتكل اللا من ايدين عزوز وينطبخ في طنجرة جربة ويلتحس من قصعة عود – لوح يعني – المهم بعد تطيب طبيخة المقطع نحطو العجينة زي مادرت انت بالزبط بس نزيدوا شي كم قرن فلفل اخضر كفردي مقطعات على اربعة حسب قدرة احتمال الحااااار.
   بس والله ما احلى الكوجينة المودرن عالاخر مع المقطع المنشور والاحلى هو شغفك بالاكل الليبي وهمتك وشطارتك في تعلمه …. براوة عليك ياريتني جارتك نتبادلو الذوقة
   صحة لك ولجيرانك
   واهي تعليقة مني انا تعوضك علي عدم تعليقي اللا من مرة لمرة لظروف
   مدونتك رائعة جدا ومقرؤة
   انا
6. iAnas قال:

   01/04/2009 عند 16:43

   ياعيني ع الردود الي تفتح النفس للردان …. مرحبيتن أخت أنا!

   الحق مابيتش نتعمق في الموضوع أكثر لانك زي ماتعرفي من عائلة لعائلة تختلف طريقة الطبخ و تعتمد أعتماد اكبر علي رب الاسرة كيف حيب الاكل ( حار مالح الخ الخ ) …

   موضوع رشتة البرمة و تسميتها المقطع الخ الخ هذا تناقشنا فيه .
   مسئلة القديد و علاش أني درته بالشكل هذا بكل بساطة أني جبته معاي علي الشكل هذا لانه ممنوع رفعان السؤال زي ماتعرفي في الطائرة ( القوانين الجديدة ) لذلك أحسن حاجه باش ماننحرمش من الاشياء هذي نجيب فيها جافه و نخدمها أني علي راحتي في الحوش .
   و حتى حنى في حوشنا في ليبيا نديرو فيه بنفس الطريقة الي قلتي عليها أنت .. مقلي في الزيت و مغرق في دهانه … لاكن موضوع الثومه هذا يجي في الاخير زي ماقلت في طريقتي المشروحه فوق ….

   فيه نقطة ثانيه مهمه مابيتش نتكلم عليها في البقوليات … أولا أحلي مقطع يكون بالفول الاخضر الطازة … و الحلبة مره مره ماتخوفش ماتديرش ريحه في الجسم ( قصدي لو تشديها ع الحلبة ديما هذكا وين تطلع ريحتها و لونها علي الجسم ) …

   و زيادة قرون الفلفل في نهاية الطبخه علي قدر أستطاعتك و أستطاعت الوكالة من حرارة الخ الخ هذي زي ماقتلك علي حسب الي ياكلو نفسهم .. و بما أني بنعطي منها ضواقة للجيران فمانبيش نقتلهم من الحرارة هاهاهاها

   و ماتعرفيش قداش فرحتيني أنك درتي الرد هذا لانه علاقتي بالمنطقه الشرقيه مش كبيره هلبه باش نعرف شنو ياكلو غادي بالظبط و نجيب معلومات علي أكلهم … فمرحبتينك بيك وياريت تردي علي كل المواضيع المتخصصه في الاكل خلي يستفيدو الزوار كلهم .

   و سلامي لعرب بنغازي و جدابية و البيضا و باقي المناطق الشرقية
7. ناني قال:

   24/05/2009 عند 21:17

   باهي انا نبي نسالكم حاجه والنبي ارجو الرد عليه …انا مغتربه وخاطري في القديد من وين نجيه وكيف انا عايشه في سويد كانا تعرفو طريقه نجيبها ونديرها في الحوش ياريت تقولولي اشكركم جميعا واشكر صاحبت المذاق العالي صاحبت الاكله الشهيه المقطع
8. iAnas قال:

   25/05/2009 عند 23:46

   مرحبتين بيك أخت ناني!
   القديد أني جايبه معاي من البلاد الحق , بس نتفكر مره وليد صاحبي داره في الحوش باللحم الي طايب في الملح ( تلاقيه في السوبرماركات في السويد ) تلاقيه في بورزه مسحوب منه الهواء و بالكيلو يبيعو فيه ، معروف غير أسئلي عليه توى يدلوك عليه جماعه السوبرماركت نفسهم ، تقدري تقطعيه و تقليه في الزيت و يطلع بنته زي القديد بالظبط ، بس مش حلال راهو !

   فيه عندك طريقه ثانيه , شوفي النشرة الجويه متاع المنطقه الي أنت قاعده فيها فـ السويد ، و أختاري الثلاث ولا أربع ايام الشمس و بري خوديلك كيلوين ولا ثلاثه لحم من المحلات الحلال في السنتر عندكم , و قطعيه جدايل و ملحيه و أنشريه في الشمس و نزليه من ع الحبل كل مايليل الليل و أنشري مره ثانيه اليوم الثاني و هكذا لحد ماتلاقي اللحم جف فعلا و بعدها تقليه و يولي عندك قديد ….

   طريقه بسيطه أخري ,,, وصي حد مروح للبلاد يجيبلك معاه قديد لحم جاف بس مش في الزيت لانه ممنوع في الطيارة … و لما يوصلك تقدري تحطيه في الفريز و تقلي لما تحتاجي بتطيبي ولا تقليه كله في مره وحده و تدسيه في زيته و تاخدي أمتى ماتبي … علي ذوقك !

   وعلي فكرة !!! أني ولد مش بنت هاهاهاها يعني صاحب المذاق العالي , صاحب الاكلة الشهية المقطع …..
9. حسناء ليبيا قال:

   28/06/2009 عند 21:49

   مساء الخير اول مشاركة ليا اتمنى انكم تقبلونى بينكم

   والله يا انوس اكلاتك مشاء عليك قول لى امك تبخرك ولا تاخدك

   عين بصراحة متقوليش علاش رشدة نشرها غلى عصا باش تجف

   بصرحة مرة تانية يعطيك صحة ونبيك دوقن منها على اقل
10. نور قال:

    12/08/2009 عند 23:47

    الله الله ابدعت
    يسلم دياتك
    جيه في خاطري
    بصراحة اسمح لي بناخد الصور وبنزلهم في موقع سعودي مشتركة فيه .
    ويا ريت ادير لينا مرة المبطن كانا تحبه طبعا ، لا لشئ فقط من أجل النشر ، لأنه اضافة الى اتقانك للطبخ فالصور لا تقل جمالا ودقة
    ما شاء الله عليك
    ربي يعطيك الصحة
11. ميمي ليبيا قال:

    12/10/2009 عند 14:25

    حاجة نايس بصراحة صحتين وعافية
12. جي جي قال:

    12/01/2010 عند 22:32

    يعطيك الصحة يالى محافظ على اكلاتنا الشعبية الجميلة لكن وين البازين يا انس وربي يحفظك.
13. Libyea قال:

    12/03/2010 عند 18:40

    اهلا أنس… معليش أنا جاية بنشوشد D: لكن قبل كل شي بنقولك صحة ليك وصحيت على هالرشتة ..الصراحة وقتها توة

    المهم خلي نولو لموضوعنا..المدة اللي فاتت ما نعرفش شن كنت ندور مشي طحت في وصفتك هادي هي نفسها بشحمها وقديدها وصورها … كارتا كاربون من الاخير! قلت زعمة انس متنكر والا مغير اسمه؟ ما اعتقدش..المهم كانك بدير طلة على موضوعك تلقاه هنا
    http://www.100.ly/index.php?mode=t&t=1024
    وفيه واحد تاني حتى هو لقيته…لكن الحق مكتوب عليه منقول.. بس مش مقايلين انت هههههه شوفه حتى هو
    http://forum.hawa.ly/showthread.php?t=1452

    وتوة خلاص..انا هكي استريحت بعد ما شوشدت P:

    هيا سلام
14. نورة قال:

    12/03/2010 عند 19:33

    شكرا لك لكن اريد كيفية تحضير ليست عمل العجينة لكن تحضيرها كيف
15. loma قال:

    29/04/2010 عند 08:08

    waaaaaaaaaaaaaaaaaaaaw sa3eda ale abta5edha hahahha
16. loma قال:

    29/04/2010 عند 08:08

    abjad a7satha waaaaaaaaaaaaaaak
17. اسو قال:

    15/06/2010 عند 10:37

    صباح الخير انا اسمي اسماء وبصدفة اكتشفت الموقع امتاعك ونحب نعلق على ابداع في صنع الشاهي بالوز وعلى اببداعك في صنع المقطع اجمل اكله في العالم هذا كله وصقع بكل بكل بكل انا من بنغازي واكله هذه معروفة عندنا واسمها المقطع والله الله على الحلبة معها بس امي مديرش فيها الفول المجروش , الحمص المنقوع العدس . بس والله العظيم ربي يعطيك الصحة على التسوي السمح وسبحان الله اتقول طنجرت امي قاعدة ع النار ..
    صحة
18. ابن ليبيا قال:

    23/07/2010 عند 17:33

    أخي أنس انت ليبي و هذا واضح من لهجتك طبعا اذا لم يكن الموضوع منقولا من مكان آخر – لكن أريد ان اعر مكان اقامتك بالضبط هل انت خارج ليبيا ام داخل ليبيا فط لا غير و اسم البلاد طبعا و المدينة لو كنت خارج الوطن
19. iAnas قال:

    25/07/2010 عند 00:33

    أهلين أخي إبن ليبيا!
    طبعا ليبي و الموضوع تصور أنه مش منقول من أي مكان و السبب بكل بساطة أنه أني الي طابخ الطبخه هذي و الصور في مطبخي وفي بيتي !
    باقي الاسئلة أعتقد أنك حتلاقي الاجابه عليه في مدونتي !

    ويارب ماتكونش أنت الي ناقل الموضوع ومش قايل المصدر في المنتدي الي تكلمت عليه الاخت ليبية و تحت أسم إبن ليبيا البار!
20. اميرة قال:

    01/08/2010 عند 11:43

    شكرا جزيلا انا استفدت منك كتير
21. اميرة قال:

    01/08/2010 عند 11:48

    عن جد طبخك كتير حلو انا استفدت منك كتير شكرا.