iAnas

19 من التعليقات لـ “عودة للتدوين”

1. Lollwa قال:

   30/07/2009 عند 15:20

   حمد لله على السلامة
2. Amani قال:

   30/07/2009 عند 19:28

   مرحبا بكم من جديد أستاذ أنس … و ربي ما يوفقك
3. iAnas قال:

   30/07/2009 عند 19:32

   لولوه ,,, مرحبتين بيك و ربي مايحرمني من إطلالاتك الخفيفه و السريعة ( كعادتك ) …

   أماني ,,, شكلك تعزيني هلبه هلبه ( ربي ما يوفقك ؟؟؟؟ ) حاسس أنك بتقولي ربي يوفقك غير جت الما في النص … سقطة سهوا زي ميقولو هاهاها صح ولا أني غالط ؟
4. may قال:

   30/07/2009 عند 19:36

   السلام عليكم

   هلا وغلا انوس عودة محمودة

   اهم حاجة انك وصلت بخير وسلامة

   وخيتك ميوووش تنتظر الجديد والجديد منك

   لا تطيل لتمتعنا
5. جاد الصاري قال:

   30/07/2009 عند 20:28

   السلام عليكم,,

   ديمة يا انس مش عاجبك العجب,, راك تبطل نقاااااااان !!

   تي نورت مدونتك يا صــــــــــــــاح و ان شاء الله ديمة مدون

   سلامات
6. iAnas قال:

   30/07/2009 عند 22:36

   @ may …
   الله يبارك فيك و أنتظري الكثير من التدوينات المتعقلة بالخصوص ( أجازة و سفر ) .

   @ جاد الصاري …
   تي أمتى نقيت أني توى تقولي ديما تنق .. الي يسمعك يقول حق نقاااااق … هاهاها

   غير أصبر توى تشوف النقان علي أصوله في التدوينات الجايه ههههه
7. Libyea قال:

   31/07/2009 عند 00:25

   أهلا أنس…أنا جيت وما صارليش من الانسحاب ..يعني ما تفرحش هلبة ههههههههه

   أول حاجة مرحبتين برجعتك..ونراجو في تدوينات على زيارتك لي ليبيا…أكيد بالصور زي ديمة…لكن تربح ما تكترش منهم..انت جيت وشفت بروحك حال النت عندنا..والسرعة الخيالية !!

   وتوة بعد الترحيب والذي منو…تعال هنا!!! شنو حكاية الحالة اللي تجيني؟ شككتني في روحي!! شنو تجيني حالات وأنا ما نندريش؟ ومن أمتى ..ليها هلبة الحكاية هادي والا جديدة؟

   أنستنا يا أنس وشكراً على كلماتك المشجعة زي ديمة..يعني هادي مش حاجة غريبة عليك
8. iAnas قال:

   31/07/2009 عند 00:55

   ليبية …. يامرحبا يامرحبا !!!
   لالا من ناحية الصور حندير جهدي نصغر فيهم بقدر الامكان باش تقدر تنزل بسرعه مع سرعة النت الصاروخية … أو نقلل من المواضيع المعروضه في الصفحه الرئيسية للمدونه …
   تي هذي كلمه يقولو فيها لما الواحد يطلع علي طوره و يفقد أعصابه و يدير تصرف مش محسوب حسابه ( فاهمة قصدي طبعا ) و يقولو شكله جاته الحاله .. يعني مش بالضروره جاياتك قبل و نعرفها بس كلمه تنقال و خلاص .. و أنتِ عششتي يالطيف هاهاهاها ….

   رجعي المواضيع المحذوفه مادخليش فيك … نبيهم دبري فيهم …. توى !
9. Libyea قال:

   31/07/2009 عند 01:44

   معليش أنا رجعت مرة تانية…بنقول حاجتين…الأولى اهو لقيت موضوع الفأر ورديتهولك كدليل على حسن النوايا من طرفي!! والتاني بنسأل..شنو الكائن الفضائي الغريب اللي طالع مكان صورتي؟ زعمة وأخيراً تحققت أمنيتي وبنحصل هجرة للمريخ؟..لكن خيرني مخلوعة هكي في الصورة؟
10. elekomm قال:

    31/07/2009 عند 09:00

    انستنا يا iAnas مرحبا بك مرة اخرى
11. iAnas » أرشيف المدونة » خدمة موقع Gravatar قال:

    31/07/2009 عند 12:41

    [...] أختياري لهذا الموضوع هو رد لـ الليبية و MoOon مستفسرتان عن ضهور صوره غريبه لكائن فضائي علي حسب [...]
12. منير قال:

    01/08/2009 عند 00:24

    حمداً لله على سلامة وصولك للنرويج من جديد ..

    تشرفت بلقاءك ليلتها، وإن شاء الله أيامك كلها تقرقير ” ضحك هلية ”
13. Meme قال:

    01/08/2009 عند 20:52

    مرحبا بعودتك انا قلت اكيد مسافر
14. كريمة الفاسي قال:

    02/08/2009 عند 00:37

    الحمد لله على السلامة يا أنس
    ان شاء الله كانت اجازة حلوة واستمتعت بيها، شكرا على التهنئة (حشمتنا معاك والله) واحنا فعلا افتقدناك في البداية قلنا وين الانس غطس وما باركلناش على يحي شكله نغر منه لكن بعدين طلعت براءة

    عقبااالك ان شاء الله
15. رامز رمضان النويصري قال:

    03/08/2009 عند 20:51

    أخي أنس مرحباً بعودتك

    وشكرا لك.. كانا سنكون سعداء لو كان موعد عودتنا أبكر بقليل، لكن مقيولة: خيرها في غيرا، والجايات أكثر
    إن شاء الله العام الجاي، نتلاقوا

    تحياتي
16. حسناء ليبيا قال:

    04/08/2009 عند 00:31

    الحمد الله على سلامة وعودة ميمونة انشاء الله
17. hanan قال:

    09/08/2009 عند 14:09

    مرحبا أنس انا بصراحة دخلت المدونة أول مرة بسبب المطبخ و هو اكتر ما يهمني في الموضوع فا ياريت يا خوي الكبيرون اتكترلنا من طبخاتك الحلوة و عندي طلب انه ادير لنا مكرونة بي الباشميل… ‎@_@ ‎اختك الصغيرونة
18. hanan قال:

    09/08/2009 عند 14:14

    sorry نسيت انقول ‏ *wellcom back*
19. iAnas قال:

    17/08/2009 عند 23:24

    أسف علي التأخير في الرد …

    منير , Meme , كريمة الفاسي , رامز النويصري , حسناء ليبيا و hanan

    أخجلتوني واللهِ ، ربي مايحرمني منكم و من ردودكم يارب !