iAnas

11 من التعليقات لـ “Rødyr – يحمور ،،، ثاني مرة”

1. Amani قال:

   30/07/2009 عند 19:31

   Beautiful post with lovely photoz
   thankz
2. MoOon قال:

   30/07/2009 عند 20:33

   مرحبتين استاذ أنس:
   مرة ثانية مريت من هني والمرة هذي لقيت صور احلى:) ..بيبي الغزال(متلفت للكاميرا ومركز ونحس فيه يقول تشييييييز) .. الطفولة حلوة في كل شئ سبحان الخالق..الصور اكثر من روعة .. يعطيك الصحة عليهم …

   لكن؟؟؟؟
   تعليق بسيط بعد اذنك؟؟

   شكله خايف منك ..علاش خوفته ؟ ههههههههههههههههههههه
3. iAnas قال:

   30/07/2009 عند 22:27

   Amani أهلين بيك أختي ,,, شكرا علي الاطراء .

   MoOon أهلين و سهلين مره ثانيه و ثالثه وكان فيه حتى رابعه مافيش مشكله ,, المدونه مدونتك و تشرفيني في اي وقت ,,, فعلا حيوان لطيف و صغيرهم أكثر لطافة و جمال .. لكن زي ماقتلك حيلعبولي في جناني و ياكلولي الزنبق وباقي النباتات الي تاعب عليها طول الربيع و الصيف و أني نسقي و نفتلك و نرادع ….
   رد علي تلعيقك و سؤلك ,,, فعلا حيوان اليحمور ( ظبي الغزال ) خجول جدا و يخشي مشاهدة الانسان و حسيت بيه أنه يقولك ياربي شنو درت في عمري باش نتلاقى مع هالوحش الادمي الفرطاس هوا ـ أني طبعا – توى بيطلعلي في كوابيسي هاهاهاها
4. MoOon قال:

   31/07/2009 عند 02:39

   مرحبتين استاذ انس :
   هذا شنو؟؟؟؟؟؟ صورة منو هذي؟؟؟؟؟؟؟؟ارنوب والا فرفور؟؟وفوقها مثلث؟؟ اني نحب الدوائر بس..والاحلى الايدين والرجلين ..(ياماما تخوف)…
   ومعليش تركز شويةفي الصور اللي فوق ..فوق … زيد شوية فوق…ايوه…(الصورة اللي فيها واحد تقول عليه روجر مور ولابس فرفلهههههههههههههه) فيه قسمة عاااااااااااااااااااااااااااااااااااااااااادلة بكل في الصور
5. MoOon قال:

   31/07/2009 عند 02:40

   لااااااااااااااااااااااااااااااااااا نزلت لي ثاني نفس الصورة ؟؟؟؟؟؟؟؟ مقصودة
6. iAnas » أرشيف المدونة » خدمة موقع Gravatar قال:

   31/07/2009 عند 12:44

   [...] أختياري لهذا الموضوع هو رد لـ الليبية و MoOon مستفسرتان عن ظهور صوره غريبه لكائن فضائي علي حسب قول [...]
7. hanan قال:

   02/08/2009 عند 12:16

   (الاجازة الصيفية المجبر على اخدها) يعنى حسيت كانه عقاب ان تجى لليبيا !!اى نعم شكلك مرتاح فى العيشة و امورك مريقلة لكن الوطن مفيش زيه و يكفينا هوانا النضيف و راحة بالنا وسط ناسنا و كفانا نعمة بصوط الاذان الى نسمعوه فى كل وقت…معليش تحمست شوية يمكن لانى مسافرة بعد ايام ….
8. iAnas قال:

   02/08/2009 عند 12:39

   أهلين حنان و مرحبتين بيك في أول رد ليك عندي !
   شوفي بنقولك علي حاجه مهمه العودة للوطن تقريبا مافيش حد في ليبيا يروح لليبيا أكثر مني حتى الي يخدمو في الصحري مايروحوش لأهلهم زي ماندير أنا … يعني في السنه أكثر من ثلاث مرات … زعمك علاش نروح أكثر من ثلاث مرات ؟؟؟ القصد أن الاجازة هذي مجبور عليها لأن المدرسه مسكره ( وصلت المعلومه ولا مزال ؟؟؟ ) .

   وبعدين تعالي جاي حنان … أما راحت البال وأما هواء نقي في ليبيا ؟؟؟ شكلك عايشة في الصحرى لا ناس لا بشر حوليك باش ملاقية راحت البال و مستريحة من تقييد الاحوال و القرمه و القيل و القال …. و مستريحه من زحمة المرور و رجاله الي لا منطق لا ترجمه …. و مستريحه من الدعاك في المصرف باش تطلعي خمسين دينار من حساااااابك فيه ؟؟؟ ومستريحه من و من و من الخ الخ الخ …. ع العموم مرحبتين بيك و عودة ميمونه إن شاء الله ( و أعذريني حتى أني أتحمست شويه لاني كيف مروح من ليبيا هاهاهاها ) …
9. hanan قال:

   08/08/2009 عند 13:21

   ياهلا ياهلا هالمرة جاية باكتر حماس…لكن ما تخافش لانى ناويا الحوار و ليس الجدل و انى قتلك الشىء الى حسيته من كلامك و لم اريد انى انجاملك وان خرجت بيك عن الموضوع المطروح للتعليق ..اسفة..و الباين انه الحكاية و ما فيها انى نشوف فى النص المليان من الكوب بينما انت تشوف فى النص التانى نعرف انه ليبيا مش جنة ولكنها فى عيونى جنة بكل عيوبها قبل ميزاتها وبالنسبةلى لحبك لبلادك هدا اكيد ومفروغ منه و انى اسفة ادا فهمت من كلامى اى تشكيك فى هدا الموضوع….و اما لى وين عايشة فا انى عايشة فى مدينة صغيرة على الساحل على بعد كيلومترات من البحر و ان كان ليا الشرف انى نسكن فى الصحراء..و اما بالنسبة للقيل و القال فهى صفة ملازمة للبشر وين ماكانوا والحل هو التطنيش…ومن جديد نقولك معليش اتحملنى ..و اعتبرنى اختك الصغيرة..@_@
10. iAnas قال:

    09/08/2009 عند 09:55

    شوفي ياحنان ياوخيتي الصغيرونه ,,, خوك أنس ديما يشوف في الجانب الفاضي من الطاسه لانه الجانب الاكثر حاليا ( زمااااان كان الجانب المليان هو الي ينشاف لانه الاكثر ) وماشي علي القاعدة العسكرية المعروفه ( الحسنة تخص و السيئة تعُم ) ,,, و بما أن السيئات في مجتمعي كثُرت وبدأت تطغي علي حسناته , فأصبحت لا أري غير الجانب الفارغ من الكأس ((( للأسف !!! ))) . و أحيانا الجانب الملئان عندما يحن بي الشوق طبعا هاهاها .

    أخوك الكبيرون أنس
11. hanan قال:

    09/08/2009 عند 13:14

    شوف يا أنس اني نحترم رايك و ان كنت لا اتفق معاه كتيرا و لاني ماشية علي قاعدة(اكبر منك بيوم اعرف منك بسنة) و بما انك خوي الكبيرون زي ما قلت فاأكيد مانختلفوش انشاء الله شكرا علي تجاوبك و رحابة صدرك @_@اختك الصغيرونة….