14 عدد التعليقات على “طويسه شاهي باللوز !”

1. هيثم المهدي يعلق:
   25 أكتوبر, 2009 في الساعة 22:55

   هممم .. الاجواء في طرابلس كذلك ممطرة وشتوية رائعة ..

   وصحتين على قلبك الشاهي باللوز

   بالنسبة للتنس كما يبدوا ان تحديك موضوع صعب التفكير فيه ..

   عموما اعجبني الفيديو كثيرا واتمنى ان ترفق لنا المزيد من هذه الفيديوات ..

   ليلتك سعيدة ..

2. أحمد البخاري يعلق:
   25 أكتوبر, 2009 في الساعة 23:11

   هههههههههههههههههه

   والله ضحكني ها الفيديو متاع كرة تنس الطاولة .. الحق أنت ملاعبي كبير … لكن قعدت نضحك على صاحبك كيف لما فاز كيف قعد يرقص جو مش عادي ..

   أيضاً أنبهرت بطريقة إخراج الفيديو … كيف درتها مش عادية بكل …

   الحق تقول ناتشونال جوغرافيك .. مش يوميات أنس ..
   شن مواصفات كاميرتك يا دعوة ..

3. منير يعلق:
   25 أكتوبر, 2009 في الساعة 23:16

   تدوينة من الأخير بكل يا أنس .. أعطت روح غير عادية للمدونة ..

   وأحسن حاجة في الأغنية المرافقة هي الجملة هذه ” لك راني كيف القزّوووون ” .. زي اللي حاس بيك تبي توصّل رسالة للجماهير الغفيرة

4. iAnas يعلق:
   25 أكتوبر, 2009 في الساعة 23:19

   @ هيثم !
   هذا من ذوقك يا سومه , وبعدين درت نقله بصراحه بموضوع الفيديو .. نحس في روحي عفنتها بالفيديوات .. شويه شويه حاط فيديو … قلت خلي نغيرو الاجواء شويه و نحطو حاجه فيها قيسطو !

   @ احمد البخاري !
   أنت فايتك هلبه من الفيديو لاني مانزلتاش ( فيه بلاوي زرقه هاهاها قيسطو و هبال وعياط هاهاها مش حاجه ثانيه ماتخليش بالك يروح لبعيد ) وعلي فكرة عنده الحق يرقص و يتنطط هذا أول شوط يفوز فيه عليا اليوم وطابخه بشوطين قبله غير مابيتنش ننزل الفيديو كامل باش ماتقولوش أنس حاط لقطات الفوز بس .
   وبعدين الانبهار لطريقة الاخراج حسستني كأني مخرج فيلم الرسالة ياراجل هاهاها … الفيديو أخراج بسيط جدا وبواسطه برنامج الـ iMovie الي يجي مع نظام الماك و الكامرة Nikon D90 الاحترافية .

   @ منير !
   لارسالة لا بطاطا … مافيش أحلي من الحرية ياعزيزي و المشي علي حل شعري ( لحد ماتصلعت هاهاها ) .
   قالك أربط روحك و أقعد تمرمد هات شمالات هات حليب هات هدية ولا عشرة جني بنت خالتك نافس وتبي عليا ( أمنيتي نعرف شنو معنى نافس ؟؟؟ ) … الخ الخ …

5. انا يعلق:
   26 أكتوبر, 2009 في الساعة 03:01

   استمتعت باجواء التدوينة تسلم افكارك
   بس حبيت نقولك ان النعناع ما نحطوهش اللا في الاخير علي خاطر لما يطبخ يمرر الشاهي
   يعني لما نطفو النار عالشاهي لما يطبخ نحطو النعناع
   وترا جرب اسلق اللوز شوية وبعدين فصصه حيتقشر بسهولة وحطه في الطةيسة وصب هليه الشاهي ولو حبيت الشاهي يكون اخر فخامة طحله مع النعناع قطيرة ماء زهر وادعيلي
   حتى اللوز ممكن تسلقه مش واجد شوية نين يسهل تقشيره لنه كل ما يطول طبخ لونه معدش يبقي ابيض المهم وفصصه وتنقعه في الماء ليلة وبعدين لما تبي تقدمه صفيه من الماء كويس وقدمه في السهرة مع باقي الشقاشق او طحله شوية ماء زهر
   وعاود ادعيلي

   ل – فقط

6. elekomm يعلق:
   26 أكتوبر, 2009 في الساعة 09:05

   بالفعل الاجواء هنا في ليبيا بدأت تصقع … كانون وعليه براد شاي وتقمعز بحذاهن تحت البطانية … اجواء رائعة نحن مقبلون عليها

   ربي يوفقك في رحلتك الي هافانا و ( ان شاء الله ) توصل في كاسترو

   بالنسبة للتنس اتحداك بانك ما تقدرش ( تخسر ) معاي … ههههههه

   تحياتي~ ~ ~ ~

7. حسناء ليبيا يعلق:
   26 أكتوبر, 2009 في الساعة 14:48

   السلام عليكم

   موضوع حلوة هلبة الله فكرتني نمشى نجيب

   العالة ونقعمز ندير شاهى وتالتة باللوز ههههه

   بنسبة للتنس ماشوفتش المرة الجاية نعطيك راى

   يلا حت انتو معزومين للطاسة شاهى

8. منير يعلق:
   26 أكتوبر, 2009 في الساعة 23:15

   أنا مصدقك يا صلّوعي، أسأل باقي الجماعة

   من الأخير اللي إسمه أنس قاعد يدور من بلاد لبلاد يدوّر في بنت الحلال، والمواصفات اللي قالي عليها قبل ” حمراء وجراية وما تأكلش في الشعير ” .. فـ رجاء خاص من يعثر على فتاة بهذه المواصفات أن يتصل بالخالة روزاليــا للتنسيق معها بالخصوص .. شاكرين لكم حسن تعاونكم معنا

   والكلمة اللي تبي تعرف معناها تو نقولك عليها في الماسنجر بالتفصيل الممل هههههههه وأنت اللي في فمك على رأس مدونتك يا بــارد

9. بنغازية يعلق:
   27 أكتوبر, 2009 في الساعة 09:25

   صباح الخير …

   كنت ماشية للشغل هالصبح ،، ولان كيف ما يقولوا البنات يبلهم نص نهار بيش يوتن ، اهو انا وتيت ومازال نراجي في محمد ( تذكرة متاع الفول المدمس في شهر رمضان ) ههههههههههه

   والله ايام ….

   قلت خلي نطل عندك ونشوف شنوا اخبارك ،، لقيتك داير شاهي باللوز..

   اسمع ، انا نتحداك فالتنس لانها لعبتي المفضلة ، وكان خسرتك عليك بطاسة شاهي وكان انت خسرتني برضوا بتراضيني بطاسة شاهي هههههههههههههههههه يعني فيها فيها

   يلا سلام انس نشوفوك بخير

10. Tarek Siala يعلق:
    28 أكتوبر, 2009 في الساعة 14:40

    صحة طويستك

11. wishes يعلق:
    28 أكتوبر, 2009 في الساعة 22:46

    صحة صحة

    looool i loved the happy dance at the end

12. عبدالفتاح يعلق:
    29 أكتوبر, 2009 في الساعة 11:01

    السلام عليكم صحتين يا خوي أنس بس تعرف يا أنس الوز لما يزلط مش عادي خير من التحميص جرب مع طويسه خضراء ما نحكيلك

    تحياتي

13. may يعلق:
    30 أكتوبر, 2009 في الساعة 18:12

    السلام عليكم

    صحة صحة طويسة الشاهى المنعنة… وزى ما قالك عبد الفتاح لو مزلط ومنقوع شويه فى الزهر حيكون فيه مذاق تانى

    اما الفيديو فنهنيك جميل جدا وباين فيه الجو العام كان ممتع … لكن تبى الحق لقطة الكورة قوية راهو قعد نضحك وفى نفس الوقت خفت عليها من صلعتك الحق ههههه

    سمحنى لكن انت عارف الى فى قلبى على لسانى

    وخيتك ميوووش وبلهلبة

14. Meme يعلق:
    30 أكتوبر, 2009 في الساعة 22:04

    خطرته عليا …..صحه صحه
    على فكره معاك حق ادهور انا لو كنت مكانك اكيد كنت حندير زيك

أضف تعليق: