والله صح ليك .. خاطري فيها طويسة الشاهي هذه وخاصة فى رمضان توة .
ماشاء الله عليك ..

صحة صحة طويسة الشاهى المنعنة… وزى ما قالك عبد الفتاح لو مزلط ومنقوع شويه فى الزهر حيكون فيه مذاق تانى

اما الفيديو فنهنيك جميل جدا وباين فيه الجو العام كان ممتع … لكن تبى الحق لقطة الكورة قوية راهو قعد نضحك وفى نفس الوقت خفت عليها من صلعتك الحق ههههه

سمحنى لكن انت عارف الى فى قلبى على لسانى

وخيتك ميوووش وبلهلبة

تحياتي

looool i loved the happy dance at the end

كنت ماشية للشغل هالصبح ،، ولان كيف ما يقولوا البنات يبلهم نص نهار بيش يوتن ، اهو انا وتيت ومازال نراجي في محمد ( تذكرة متاع الفول المدمس في شهر رمضان ) ههههههههههه

والله ايام ….

قلت خلي نطل عندك ونشوف شنوا اخبارك ،، لقيتك داير شاهي باللوز..

اسمع ، انا نتحداك فالتنس لانها لعبتي المفضلة ، وكان خسرتك عليك بطاسة شاهي وكان انت خسرتني برضوا بتراضيني بطاسة شاهي هههههههههههههههههه يعني فيها فيها

يلا سلام انس نشوفوك بخير

من الأخير اللي إسمه أنس قاعد يدور من بلاد لبلاد يدوّر في بنت الحلال، والمواصفات اللي قالي عليها قبل ” حمراء وجراية وما تأكلش في الشعير ” .. فـ رجاء خاص من يعثر على فتاة بهذه المواصفات أن يتصل بالخالة روزاليــا للتنسيق معها بالخصوص .. شاكرين لكم حسن تعاونكم معنا

والكلمة اللي تبي تعرف معناها تو نقولك عليها في الماسنجر بالتفصيل الممل هههههههه وأنت اللي في فمك على رأس مدونتك يا بــارد

موضوع حلوة هلبة الله فكرتني نمشى نجيب

العالة ونقعمز ندير شاهى وتالتة باللوز ههههه

بنسبة للتنس ماشوفتش المرة الجاية نعطيك راى

يلا حت انتو معزومين للطاسة شاهى